Главная | Регистрация | Вход
Среда, 20.06.2018, 20:11
Приветствую Вас Гость | RSS
Меню сайта
Статистика

Онлайн всего: 1
Гостей: 1
Пользователей: 0
Ссылки
Главная » 2018 » Февраль » 16 » Инники кэскилбит. Сатабыллаах киһи өлөн-охтон биэрбэт.
06:42
Инники кэскилбит. Сатабыллаах киһи өлөн-охтон биэрбэт.

JuniorSkills диэн рабочай идэ суолтатын үрдэтэр уонна профессиональнай маастарыстыбаны сайыннарар күрэх 1953 сыллаахха тэриллибитэ. Билигин бу киэҥ хамсааһыҥҥа 76 дойду кыттар. Россия 2012 сыллаахха 60-ус дойдунан киирэн, кэнники сылларга биһиги өрөспүүбүлүкэбитигэр эмиэ араас таһымҥа хас да көрүҥҥэ (компетенцияҕа) ыытыллар буолбута кэрэхсэбиллээх.

Үрдүк, орто анал үөрэх студеннарын сэргэ оскуола үөрэнээччилэрэ бу күрэххэ кыттан, инники олоххо бэйэлэрин миэстэлэрин булуналларыгар, үлэ үөрүйэхтэрин толору баһылыы үөрэнэллэригэр бу күрэх улахан суолталаах.

Ол курдук, бу дьыл тохсунньу 30 − олунньу 2 күннэригэр оскуола оҕолоругар үһүс төгүлүн өрөспүүбүлүкэтээҕи JuniorSkills (Профессионалы будущего) күрэх буолан ааста. Бу иннинэ оҕолор муниципальнай таһымҥа илин-кэлин түсүһэн, Дьокуускайга улуустартан бастыҥтан бастыҥнар муһуннулар. Уопсайа 18 улуус уонна куорат оскуолаларыттан барыта 405 кыттааччы кэлэн, 22 үлэ араас көрүҥэр күөн көрүстэ. Оголору икки белегунэн саастарынан арааран 10-14, 14-17 курэхтэьиннэрдлэр. Кыттааччылар ортолоругар ыраах Орто Халыма улууһун биир кыттааччы, соҕотоҕун аахсыбакка кэлэн, бэйэтин дьоҕурун көрдөрөн, уопут атастаһан барбыта хайҕаллаах.

Үс күннээх тыҥааһыннаах күрэх түмүгүнэн Дьокуускай куорат хамаандата 21 идэҕэ 55 оҕону кытыннаран, 21 мэтээлгэ тиксэн, кыайыылаах таҕыста. Иккис миэстэни 56 кыттааччылаах, 17 мэтээллээх Мэҥэ-Хаҥалас хамаандата ылан, бэрт үчүгэй бэлэмнээҕин көрдөрдө. Үһүс бочуоттаах миэстэҕэ 51 оҕону 18 көрүҥҥэ кытыннаран, 14 мэтээллээх Таатта хамаандата тигистэ.

Мин Майатааҕы Үөрэтэр-производственнай киин иһинэн уолаттары «Слесарь по ремонту автомобилей» уонна «Автодело» диэн идэлэргэ 9 кылаастан саҕалаан үстүү сыл үөрэтэбин. Онон орто оскуоланы бүтэрэллэригэр оҕолор анал идэлээх, А, В категориялаах суоппар правалаах тахсаллар.

Быйылгы үөрэх дьылыгар түөрт үөрэнээччим улуустааҕы күрэххэ бастаан, бу улахан өрөспүүбүлүкэтээҕи тэрээһиҥҥэ кытынна. Бастакы кыттыыбыт диэтэххэ, көрдөрүүбүт куһаҕана суох. Андрей Анисимов уонна Леонид Борисов «электромонтажнай үлэлэр» диэн хайысхаҕа күрэхтэстилэр. Электромагнитнай пускатель нөҥүө холбонор, электрическай двигатель тептеру-таары (реверс) улэлиир схематын таҥар сорудах бэриллибитэ. Барыта биэс хамаанда киирсибититтэн икки эрэ хамаанда бу схеманы таба хомуйан, улэлэтэн кердерде. Ол курдук бэрт уустук сорудах буолла. Таатталартан бэрт кыра бириэмэнэн хаалан, мин үөрэнээччилэрим иккиьинэн схеманы хомуйан, дивиигателы тептеру таары улэлэтэн кердердулэр уонна иккис бочуоттаах миэстэ буоллулар. Үһүс миэстэ схема элбэх ситимин сепке холбообут Майатааҕы лицей уолаттарыгар ананна.

Хоруобуйанан улэгэ уолаттар анал тимир илииьи токурутар станокка үлэлээн, Кириэмил биир дыбарыаьа куполын, макетын буруйэн кердердулэр. Биһиги кииммитигэр маннык тэрил суох буолан, бэйэбит оҥостон дьарыктам мыппыт. Бу улэ огого черчение, геометрия предметтэрэ олус наадалаахтарын кердерде. Ол курдук ыйыллыбыт кыраадыьынан мээрэйдээн, циркуль, транспортир кеметунэн шаблон оностон, ону тимир илиискэ туьэрэн, балык хатырыгын курдук сааьылаан хомуйдулар. Василий Лепчиков уонна Айсен Марков туох баар сатабылларын, билиилэрин көрдөрөн, 3 миэстэ буолары ситистилэр. Уолаттар 10, 11 кылаастарга үөрэнэллэр, олору хардары-таары паараҕа туруоран дьарыктаатым. Онон эһиилги күрэххэ бу компетенцияларга биирдии уопуттаах кыттааччыланныбыт.

Маннык тэрээһин биһиэхэ, учууталларга, маастардарга, олоҕу кытта тэҥҥэ хаамарга, сайдарга, үөрэх кыһатын материальнай-техническэй өттүнэн саҥардарга, аан дойду таһымыгар эппиэттиир дьону иитэн таһаарарга сорук туруорар.

 

Айал ЯКОВЛЕВ

Просмотров: 46 | Добавил: keskileene | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Форма входа
Поиск
Календарь
«  Февраль 2018  »
ПнВтСрЧтПтСбВс
   1234
567891011
12131415161718
19202122232425
262728
Архив записей
Друзья сайта
  • Официальный блог
  • Сообщество uCoz
  • FAQ по системе
  • Инструкции для uCoz

  • МАОУ МУПК © 2018 | Бесплатный хостинг uCoz